CHILE MARKA IRPIRINAKAXA TAKICHAPXIWA CONVENIOS INTERNACIONALES JISK’ACHASA MA BOLIVIANA POLLERANI KULLAKARU

(Abya Yala Digital Yatiyawi).-Kullaka  Máxima Apaza Senadora Movimiento al Socialismo tuqita aruskipañani wakicht’awina parlawayiwa pollerani warminakata jakasipki Bolivia markana, amtawayiwa kunjama jisk’achatasa uñjasiwayi kullaka Basilia Mendo taykapaki Brayan Quenallata Mendo waynana mayni  llawintata llatunka bolivianos katuntanakata chile anqaxa markana.

Sinti phiñasitawa jikxatasipta nanakaxa kunjmatix chile markana isinaka uskusipkixa nanakaxa respetapxtwa ukhamax mayipxaraktwa respeto taqpacha kullakanakataki khitinakasa pollerani sartasipta juphanakataki janiwa nanakaruxa ukhama takisipkaspati

Chile marka irpirinakaxa akhama jisk’achawinakampixa takichapxiwa derechos humanos qillqataki convenios internacionales jach’a amtawinakana, anqaxa markanakanxa utjaskakiwa uñisisiña jisk’achasiña janiwa Bolivia markanjama utjkiti kamachinaka arxatasa warminakaru jani utjañapataki jisk’achawinaka, chile markanxa pueblos indígenas markanakaxa jisk’achataskakiwa sasaw arst’awayi Senadora Apaza.

Be the first to comment

Leave a Reply

Tu dirección de correo no será publicada.