ISLA PARITI MARKANXA WASITATAWA TURISMO SARTAYATANI

Jilata Isaac Callisaya Director de Turismo y Cultura Gobierno Municipal Puerto Pérez markata yatiyawayiwa amtasipkatapa wasitat’a ch’amanchaña turismo  Isla Pariti Titicaca jach’a qutata ukatakixa wakicht’asipkiwa ma jach’a amtawi wasitata uñt’ayañataki museo  Isla Pariti, aka amtawxa sarantayaniwa Gobierno Municipa,l markachirinakampi chikt’ata, yanaparakiniwa Museo Nacional de Etnografía y Folclore, niya septiembre phaxsinwa qalltataspa turismo sartayawimpi.

Isla Pariti markanxa utjiwa ma museo uksanxa uñacht’ayatawa walja jiwk’illanaka, aka nayra achachilanakan yanakapxa jikxatawayapxiwa Isla Pariti uraqi manqhana, 2004 maranwa arqueólogos bolivianos ukhamaraki finlandeses yatintatanaka cancha chiqa uraqi manqhata  apsuwayapxi niya kimsa pataka kilos pakhata jisk’a jiwk’illanaka kunaymana uñtaninaka, yaqhipa yanakaxa pariskamaki suma tukt’ayata jiwa  suma jamuqanakani, muspharkayaxa señor de los patos.

Maysatuqitxa proyecto lago jach’a amtawi kunkanchayki Gobierno Nacional, Ministerio de Culturas tuqi Belga anqaxa markana yanapt’awipampi, ch’amancharakiniwa municipio Puerto Perez markaru suma askicht’atañapataki nayra yanakapa sañani chullpares qhiwaya markana, irnaqawinakampixa niya julio phaxsinwa qallantataspa.

Uka pachparakiwa sarantayatani proyecto arqueológico subacuático Titicaca qutana, yatxatatanakawa quta manqhana thaqhapxani nayra yanaka isla pampana, sasaw yatiyawayi jilata Callisaya.

Isla Pariti markaxa jikxatasiwa Titicaca qutana sataki wiñay marka, municipio puerto Pérez provincia Los Andes tuqina.

Be the first to comment

Leave a Reply

Tu dirección de correo no será publicada.