Machaq mara Andino Amazónico y del Chaco Bolivia markpachanwa katuqataraki

(Abya Yala Digital).- Bolivia markanxa sapa 21 urunaka saraqata Mara T’aqa (junio) phaxsitxa katuqatarakiwa machaq mara Andino Amazónico y del Chaco, wak’ani chiqanakanwa altiplano uraqinakanxa willka tata k’ajsunkipanwa amparanakax luqtarataraki katuqañatakixa ukhamarakikiw khaisa junt’u phututi markanakanxa warawaranakaru, phaxsi mamarusa yupaychapxaraki machaq mara katuqkasaxa.

Sarawinakarjamaxa wak’ani chiqanakaru (lugares sagrados) mistsutaraki amawt’anakasa jan ukaxa jach’a jilirinakasa parasa astarasawa q’uwachjapxi pachamamaruxa ukhamata sumana sarantañataki jutiri maranxa. Machaq maraxa inti tatan qhanqatawinakapampixa jan wali amuyunakatxa aski amuyunakaruw turkataxaraki mä markachirixa ukhamaraki comunidades markanakanxa nayrïr pacha sata achuwi puquwiruwa mantawayxapxaraki.

Abya Yala marka ukch’pachanwa jichhurunakanxa Machaq Mara katuqxapxaraki ukampirusa Pdte. Evo Morales, Bolivia jilir irpirisa Oruro yurir markapanwa katuqawayaraki ukhamaraki arkirinakapasa sapa Departamentos markanakanwa katuqawayapxaraki markachirinakampi chikañchasitaxa.

Be the first to comment

Leave a Reply

Tu dirección de correo no será publicada.